雙料娛樂撐紅魔

猪拉多纳

05/02/2012
文： Wendy

每次做訪問被問及最鍾意邊位球員時，除咗施丹同軒斯外，我都係會答泰利，不過呢一、兩年佢周身蟻，全世界都知佢滾隊友女人，最近亦因為涉嫌用種族歧視字眼鬧安頓費迪南，搞到國家隊隊長都冇得做。一定會有人睇唔過眼泰利嘅行為，但佢都唔係咩窮兇極惡，佢只不過同一般「麻甩佬」一樣，衰「鹹濕」同埋「口臭」，九成成年男士都有呢兩樣缺點架啦，你又係咪其中一個？泰利喺我心目中嘅地位係不變嘅。




今晚車仔惡鬥曼聯，唔會見到受傷嘅泰利出場，艾殊利高爾停賽亦缺陣，後防冇咗呢兩位，睇怕對如狼似虎嘅紅魔都好難保不失。




當然，我愛隊曼聯後防近期都唔多掂，尤其係門將位置好令人擔心，連迪加特受傷會缺陣，多數由慌失失嘅迪基亞把關，佢無論對上三路定下三路嘅射門統統都唔夠啖定。可幸朗尼已傷愈，可連同艾舒利楊格同拿尼一同復出，大可以攻代守。曼聯作客成績第一，喺人腳充裕嘅情況下，相信唔會再出現之前作客吞紐卡素三蛋嘅意外，呢場平手盤繼續撐愛隊。


3D直播兼有新app


除咗3D直播外，有線繼續創新！「Cable即時睇」呢個app終於上架，只要係有線客戶，用iPhone或iPad就可以下載，咁今晚就可以一邊睇住3D英超、另一邊就睇實我哋球彩台啦！




熱愛舞蹈的Wendy，04年歐國盃Euro Babe變身成有線球彩台節目主持，當初對足球猶如混沌初開，依家已滾瓜爛熟，最愛暢談波經。




球彩專頁：http://fb.com/icable64

phone波熱線：1831 678

電郵：soccer64@cabletv.com.hk

「快樂星期天」開放時間：晚上10:00至深夜2:30