地頭龍利華專恰史特加

猪拉多纳

04/02/2012
文： 安高

近況低沉嘅史特加今晚喺德甲出訪實力分子利華古遜，儘管有3,000名忠心球迷隨軍出擊，但安高恐怕佢哋仍要失望而回，事關利華嘅主場演出一向穩陣，何況史特加近排仲要大鬧兵荒，作客擺明等劏，今場1.65倍主W抵捧！（有線61及64周六晚10:30直播）


近3次交手全勝


自11月底開始，史特加近6場聯賽竟然取得1和5負劣績，球員信心同狀態明顯跌入低谷。最慘係佢哋喺冬季增兵，由賀芬咸買入嘅射手伊比斯域明顯都係今非昔比，想話靠佢帶起班波都有心無力，前線踢嚟踢去都係卡卡奧同夏歷，根本見晒底，仲點會有好成績吖？




利華古遜呢邊，老將波歷克同球隊反晒面，不過唔緊要，劃清界線反而令班球員可以專心踢波仲好，唔使睇呢位老大哥面色。新兵哥魯卡今晚有望處子登場，防線更見穩陣。再睇埋佢哋近績，主場近5戰就贏4場，近3次交手又係贏晒史特加，格食格，呢個熱W應該冇乜走雞。