水手獅吼大駁火

猪拉多纳

04/02/2012
文： 樂比堅尼

今日兩場澳職都相當矚目，頭場中岸水手主場對布里斯班獅吼（周六下午2時30分開賽）係上季總決賽翻版，水手十五場不敗，狀態弗成咁咪同佢哋作對，兩隊攻力強首選大，尾場墨爾本打吡雄心對勝利，樂比仔撐名牌勝利。（有線64及204台周六下午4時45分直播）




先講水手對獅吼，水手剛羅致蘇超赫斯前鋒約翰塞頓，佢正係前車路士及布力般流浪射手塞頓個細佬，相信佢嘅加盟可進一步增強水手攻力，不過今場對獅吼佢就未出得住。




榜首嘅水手係澳職最弗球隊，已保持十五場不敗，當中包括去年十二月中作客擊敗獅吼，班波弗成咁，真係完全反唔過，至於獅吼自從不敗紀錄斷纜後就沉到依家，幸好呢隊波攻力甚強，今場一於捧大！


勝利新帥開齋可期


墨爾本打吡方面，勝利新帥麥基頓上任後仲未贏過，上仗對黃金海岸踢得唔錯，可惜補時階段被對手逼和，今仗對狀態低沉嘅雄心，係時候開齋威番鋪喇！