韋根半場和「愛」得過

猪拉多纳

04/02/2012
文： 車車

上場慘敗畀熱刺嘅韋根，今晚會返到自己地盤迎戰愛華頓，佢哋話晒之前都曾經喺主場和過車路士同利物浦，叫做有啲好往績支持吓咁啦，唔想降班嘅話，睇嚟真係要靠剩餘嘅主場賽事搶分喇！




眨吓眼英超嚟到第廿四輪，即係已經踢咗接近三分之二，無論榜首定榜尾，仲係鬥得好緊湊。依家排包尾但有「打不死」之稱嘅韋根，表現真係令人搔頭，之前廿三場英超只係贏過三場，但又唔係主場贏多啲，三場之中反而有兩場客勝！最搞鬼球隊重要遇強愈強，你以為佢應該畀強手大炒嗰陣，佢偏偏喺主場對曼城只輸一粒，對車路士同利物浦就和波添，不過近況麻麻地，已經累積九場不勝喇。


愛華頓作客水鬥水


作客嘅愛華頓近況雖然唔差，近五場只輸一場，又叫做小勝過曼城，咪以為信得過，其實呢粒「拖肥糖」又係「主場撐得住，作客靠唔住」，作客入球能力奇差o架。種種迹象顯示，半場和味幾重，再睇埋往績撐唔撐？近五次對賽四次半場和，既然係咁，我就決定推介半場和同入球細啦！（有線 202及302台周六晚11時直播）




「車車」在1998世界盃至今已成「資深球迷」，2001年起在電台主持年輕人節目，2005年起主持電台足球節目，2010年底加入球彩台，主持《球彩俱樂部》及《球盤龍門陣》，並參與每周足球賽事直播。




phone波熱線：1831 678




電郵：soccer64@cabletv.com.hk

開放時間：晚上10:00-深夜3:30（超級星期六）

車車推介：細、半場和