贊比亞埋丹博出位

猪拉多纳

04/02/2012
文： Mic少

非洲國家盃八強正式展開，頭場由贊比亞對蘇丹，贊比亞球星欠奉，但勝在鬥志十足，最後一場分組賽，本來和波都可以出線，但仍然盡力擊敗東道主赤道畿內亞，獲得小組首名，成功避開勁旅科特迪瓦，反映球隊對爭標有野心，今仗如願碰到實力較弱嘅蘇丹，當然要把握晉級良機，捧贊比亞1.85倍主W。（now 676周日凌晨零時直播）




贊比亞陣中大部分球員効力本土及南非聯賽球隊，但亦因為咁，佢哋更加希望趁今次大賽，盡量表現自己，博畀XX睇中，去歐洲搵食。若然贊比亞能夠爆冷打入四強，甚至決賽，勢必會引起更多傳媒及大球會注意，屆時球員去外賺歐元或英鎊嘅機會就更高。全隊有共同目標，落場比賽自然特別醒神。


蘇丹技止八強


蘇丹可以打入八強，存在幸運成分，全靠同組科特迪瓦幫手，淨勝安哥拉兩球，先至憑較佳得失球差，取得出線席位。事實上，蘇丹一直只屬陪跑分子，今次係佢哋近四十二年首次進身八強，成績已超出預期，有晒交代，論鬥心肯定唔及要爭取飛黃騰達嘅贊比亞。對賽往績，贊比亞亦佔優，近七次交手，贊比亞取得四勝二和一負，值得再追捧。