足總盃出局知衰 喜鵲發「力」爭勝

猪拉多纳

01/02/2012
文： 查理阿蛋

紐卡素於足總盃倒灶遭白禮頓淘汰，一班球員都自覺對唔住班熱情球迷，慘敗後終於等到今晚英超快車作客布力般流浪，小妹覺得佢哋有望反彈作客贏番場，一於要2.55倍客W啦！（有線201及301周四凌晨4:00直播）


布力般主場曳難頂丹巴巴亞


喺足總盃排出強陣仍然畀英冠球隊白禮頓淘汰，紐卡素眾將都覺得無地自容，中場小將沙恩費格遜就為隊友發聲：「我哋淨係想快啲作客贏布力般流浪，回報支持我哋嘅球迷！」雖然喜鵲近7場作客贏得1場咁大把，不過布力般主場一樣咁差，近4場輸足3場，求勝心切嘅喜鵲絕對有力全取3分。




布力般早排戰績稍有起色士氣大振，但係呢大半個月都冇比賽，班波團火未必及得上之前咁旺，咁啱塞內加爾喺非國盃倒灶提早出局，客軍神射手丹巴巴亞趕及回歸，隨時一箭將布力般射番落榜尾。