華倫+1有揸拿 蝙蝠兵團捕獵球王

猪拉多纳

01/02/2012
文： 法比加輝

西班牙盃四強首回合大戰，「蝙蝠兵團」華倫西亞先在主場恭候巴塞隆拿。巴塞今季最大毛病就係作客常失準，十場聯賽作客有六場失分，亦因為咁西甲已落後死敵皇家馬德里七分。華倫主場出擊一向硬淨，近五次在米斯泰拿球場迎戰「地上最強」，有四次力保不敗，適 逢巴塞近期狀態不穩，華倫續保不敗機會甚高，2.6倍「讓球主勝」值博。（now 632周四凌晨4時直播）




巴塞今季嘅作客成績簡直可用恐怖來形容，十場聯賽作客四勝五和一負，得勝率低開僅得40%，只係踢咗短短半季賽程，成績已經差過上季全季，完全配唔起「地上最強」呢個外號！


巴塞美斯作客齊冚旗


巴塞之所以作客失準，主要都係同美斯有關，美斯仔喺呢十場聯賽作客中有八場交白卷，冇咗佢「士哥」巴塞即頻頻失分。至於美斯點解作客咁曳？個人認為主場之利往往令球證好多時都放主隊一馬，佢哋自然會更加粗暴對待美斯，「球王」都係人，唔係神，係咁畀人踢想入波都難啦！




所謂擒賊先擒王，華倫當然都明白呢個道理，預計「蝙蝠兵團」今場肯定會搵多幾個兄弟輪流招呼美斯。事實上，華倫近年在主場對巴塞頗有計，近五次對賽一勝三和一負，四次保不敗的確唔係一件容易嘅事，加上巴塞近期又缺少韋拿及恩尼斯達兩大攻擊重心，所以華倫主場有得受讓絕對抵玩。