黑貓斷纜捧諾域治

猪拉多纳

01/02/2012


另一場英超由新特蘭主場對諾域治，「金絲雀」近五仗四勝一和，作客更三連勝，即使黑貓勢頭強勁，但今仗主勝賠率太熱亦博唔過，寧取諾域治「讓球客勝」。（有線202及302台周四凌晨4時直播）




新特蘭自奧尼爾上任後一帆風順，領軍十場僅輸過兩場，不過經過連續多場搶分後，球員飢渴感已大減，上仗足總盃東北打吡幾經辛苦下，先逼和英冠米杜士堡一比一，主場上盤輸到應一應。


諾域治作客硬淨


新特蘭最大問題係進攻欠銳利，隨着賓特拿養傷，前線要倚重施斯隆同埋域咸攻堅，可惜兩人都唔係多產射手，當面對主守球隊時，新特蘭會有一定麻煩。諾域治作客已經五場未輸過，今場有得受讓值得捧場。