里昂鬧兵荒讓唔起

猪拉多纳

31/01/2012
文： 吉拿甸奴

法聯盃4強今晚送上頭炮，羅連安特喺主場對里昂，1.48倍「讓球主勝」平安大吉！雖然羅連安特近況一般，但里昂受到「非國盃效應」影響，呢場繼續有3件非洲兵缺陣，加上陣中傷兵滿營唔夠人用，要喺90分鐘解決對手恐怕有難度。（開賽時間：周三凌晨3:45）

羅連安特近4戰入7球

現時里昂陣中傷兵多到暈，當中以攻入8個聯賽入球嘅射手巴菲迪比高美斯養傷最令人頭痕，除此之外，馬里中場斯迪干尼、加納中堅文沙同布基納法索後衞巴卡尼干尼都要應付非國盃，冇埋佢哋3個，里昂面對近期嘅頻密賽程，真係隨時氣咳，想話喺90分鐘撻着贏波唔係話咁易。


另一方面，羅連安特都有唔少傷兵，而且加蓬後衞伊古利文加離隊為國效命，不過自從踏入2012年，佢哋似乎開始轉運，對上4場勁入7球，從走勢睇，唔排除龍年會有更強勁表現。仲有呀，最近中場祖費利又落實續約到2014年，隨時發威入波賀一賀佢，有權帶挈羅連安特開1.48倍「讓球主勝」。

法聯盃及荷盃賽制：

法聯盃為4強戰，荷盃為8強戰，兩項賽事均以一場過分勝負，若法定時間內打成平手，則需加時作賽，再和則互射12碼決勝。