科特迪瓦「讓球W」抵玩

猪拉多纳

22/01/2012
文： 朱楓

臨近過年，大家都等住討利是，據聞「魔獸」杜奧巴已經提早收到大紅包，得到上海申花開出27萬鎊（約326萬港元）天價周薪過檔，今季結束後就會去中超搵大錢，科特迪瓦（右圖左）今晚喺非國盃B組分組賽對蘇丹，杜奧巴心情肯定靚到爆，信佢撐1.63倍「讓球主勝」！（now676台周一凌晨0:00直播）


蘇丹冇人孭飛唔夠班


今季成日有消息傳出，車路士諗住放棄步入職業生涯尾聲嘅杜奧巴，不過此地不留人，佢都唔憂冇錢搵，因為中超嘅上海申花，開出27萬鎊驚人周薪邀請佢加盟，尋日仲傳佢响7月份，會代言申花老細旗下一款遊戲添。要知道杜奧巴喺今屆非國盃外圍賽，個人攻入4球，帶挈科特迪瓦6戰全勝以無敵姿態出線，佢肯搏，非洲有幾多隊頂得住？




除咗杜奧巴，科特迪瓦嘅英超球星仲有謝雲奴、沙洛文卡勞、耶耶托尼同高路托尼，前中後三線實力強勁，對家蘇丹搵個孭到飛嘅球員都冇，牌面輸9條街，又曾經喺08年非國盃決賽周分組賽3戰全敗，冇入球、失9球恥辱性出局，擺明唔夠卡士，呢場好容易畀「大象」科特迪瓦踩扁。


非國盃賽制：


分組賽階段




16隊分4組，每組4隊，採單循環制，每組首兩名將進身淘汰賽。




淘汰賽階段

8強、4強及決賽，法定時間內打和將加時30分鐘，再和則互射12碼決勝。季軍戰不設加時，若和波即互射12碼。

法總賽制：

以一場過淘汰形式分勝負，若在90分鐘賽和，需加時30分鐘，若加時仍未能分出勝負，則以互射12碼決勝。