AC冇柏圖仲好「路」

猪拉多纳

22/01/2012
文： 吉拿甸奴

紅黑兵團省招牌迎龍年！路華拿今晚喺意甲主場再遇AC米蘭，好易變炮灰，因為路華拿有兩件後衞停賽，對家AC老闆貝魯斯干尼又想賣盤畀俄羅斯富豪，呢個時候唔可以失威，捧2.17倍「讓球客勝」。（開賽時間：周日晚10:00）


伊巴謙上仗當眾插駙馬


日前兩軍喺意盃交手，路華拿頂到加時先以1:2敗陣，算有交代。可惜吖，後衞馬斯莫柏斯同達拉費奧利今場要停賽，要再製造爆冷賽果唔易。雖然AC有上場入波功臣柏圖受傷，但佢被人話係靠女友至打到正選，連隊友都唔妥佢，缺陣反而係好事。事實上，伊巴謙莫域（圖）曾經喺意盃比賽期間，當眾喪鬧柏圖，證明隊友對佢失去咗耐性，呢場AC用番羅賓奴，中堅尼斯達停賽都有權大勝。




同時，傳聞貝魯斯干尼準備將AC賣畀俄羅斯天然氣超級財團Gazprom，所以放棄羅致泰維斯，寧願做靚盤數，咁講法，AC更加有需要踢好波省招牌，吸引買家嗌高價錢。