阿爾克馬爾主場做大「士」

猪拉多纳

22/01/2012
文： 查理阿蛋

荷甲「一哥」阿爾克馬爾今季氣勢如虹，幾日前仲喺荷蘭盃重賽一破30年「魔咒」，喺阿積士地頭響勝鼓晉級，今晚呢支荷甲班霸回師聯賽，再同阿積士交手，既然早兩日作客都贏，今鋪主場仲使乜驚先？一於撐2.1倍主W啦！（now639台周日晚9:30直播）


阿積士主力射手養傷


阿爾克馬爾今季聯賽主場勁到爆，8戰全勝不特止、仲喪入23球只失2球，防線可以話係滴水不漏，適逢阿積士主力射手史基賀臣養傷，即使有伊比斯尼奧復出亦唔幫得幾多，阿積士要撞散呢條荷甲最佳防線，真係有難度。




講真，阿爾克馬爾上仗作客都搞得掂阿積士，全靠一條活力十足嘅年輕中前線，當中小妹最欣賞嘅，就係艾迪杜里及神射手拉斯慕斯伊姆，呢2位球員入球觸覺極佳，今季夾手夾腳入咗9個主場入球，要重演上季對賽開W歷史，絕對冇問題，就算比列賀文唔踢得都冇有怕！