利華冇火讓唔起緬恩斯

猪拉多纳

22/01/2012
文： Sherry

話咁快又過年喇，小妹近排忙到嘔，冇時間行花市不特止，仲要連買衫嘅時間都冇，勁陰功！不過當小妹第一次畀家用媽媽嗰陣，見到佢望住我、覺得我終於大個女嗰種滿足感，即時覺得咩都抵番晒啦！




講番波，德甲重開即爆出冷門，拜仁竟然輸波，小妹睇到眼都凸埋！今晚另一支勁旅利華古遜主場迎戰緬恩斯，小妹食住條水，博2.05倍「讓球客勝」！事關利華3大中場悉尼森姆、巴尼達同連拿度奧古士圖打柴，組織力下降，前鋒舒爾賀尼同傑斯寧又食咗兩個月白果，根本讓唔起緬恩斯！最後，小妹喺度同大家拜個早年，祝各位龍年進步、最緊要嘅係身體健康！


Sherry靚盤 緬恩斯（讓球客勝）


百足咁多爪嘅大學生，熱愛運動，最鍾意同啲Friend唱K兼睇波，曼聯中場路爾斯安達臣同車仔前鋒費托都係佢杯茶！