畢爾包「+1」唔赦皇馬

猪拉多纳

22/01/2012
文： 法比加輝

西甲踏入周一凌晨大年初一亦有好戲碼，皇家馬德里會在巴拿貝主場迎戰畢爾包。皇馬上周中再次向宿敵巴塞俯首稱臣，輸波之餘仲發生咗「比比事件」令「艦隊」蒙羞。呢位中堅已被皇馬內部停賽，防線隨即兵源告急，今場面對大勇嘅畢爾包實在難言穩勝，建議自製球半下盤買晒「讓球和」及「讓球客勝」。（now 632周一凌晨4時30分直播）


皇馬掟比比「入雪櫃」


皇馬在上周中西班牙盃首回合再度輸畀巴塞，士氣難免有所受損，不過加輝認為最傷都係發生咗比比踩美斯事件，前者飽受千夫所指，令皇馬背負陰濕及輸唔起嘅臭名，難怪「艦隊」要立即將佢雪藏半個月。




比比內部停賽對球隊影響深遠，事關皇馬中堅位置實在選擇唔多，艾比奧爾長期缺態，而卡維奴只係剛剛傷愈唔算弗，面對大勇嘅畢爾包都有多少危機。




由於今場「讓球和」有4.35倍，而「讓球客勝」則有4.5倍，加輝建議大家自製球半下盤，均注買晒兩瓣，客隊唔輸多過一球都有錢收。