水晶宮留力聯賽盃要黑池

猪拉多纳

21/01/2012
文： ComboKing

去溫布萊踢盃賽決賽，對所有英倫球隊都係無上光榮，特別對低級球隊來說，講得誇啲簡直有今生，冇來世！兩支英冠球隊水晶宮同卡迪夫城，下周中就要踢英聯盃四強次回合，該仗將決定邊隊進軍溫布萊，今晚聯賽絕對係雞肋，其中水晶宮作客黑池，要主勝！（周六晚11時開賽）




水晶宮本季四平八穩，喺英聯盃更加威到盡，先後淘汰韋根、米杜士堡同曼聯，到四強首回合亦一球擊敗卡迪夫城，只要嚟緊次回合保持不敗，就可殺入決賽。現時球隊已將所有注意力集中喺該場大戰，今晚作客黑池，唔排除會收起主力，亦唔使旨意佢哋去到盡。黑池上場主場就數米堡三蛋，今場可勝。


卡迪夫城Hea踢益樸茨


卡迪夫城方面，次回合非勝不可，今晚主場撼樸茨茅夫，絕對唔想出現傷兵，呢場Hea踢機會極高；樸茅守強於攻，作客更大踢防守足球，近九作客聯賽八次開細，今戰要追。另外，列斯聯主場鬥葉士域治，客軍後防極度脆弱，近四戰就勁失十球全數開大，屬大盤客恩物。列斯聯有辛迪加斯、比治奧等射手在陣，勢演入球騷，捧大。