漢諾威殘陣撐賀芬咸

猪拉多纳

21/01/2012
文： Mic少

非國盃令唔少歐洲球會損失主將，包括德甲漢諾威，射手耶高蘭及防線主將夏基都離隊為國出征，加上幾位主力受傷，殘陣作客賀芬咸，前景非常悲觀，強捧1.8倍主勝。




（周六晚10時30分開賽）




漢諾威兵源嚴重不足，除咗耶高蘭及夏基之外，球隊上半季表現最出色嘅中場舒米迪巴治、首席射手艾度拿奧爾都有傷在身，加上利安安達臣、侯加、沙治奧賓度等「十字兵」，漢諾威陣容超殘。而且漢諾威近兩次作客賀芬咸，都輸波收場，今仗敗陣機會更高。