海牙跌Watt讓唔起洛達

猪拉多纳

20/01/2012
文： 笛子波童

荷甲重開周六凌晨上演獨腳戲，海牙主場鬥洛達，海牙上季曾在歐霸盃附加賽兩勝洛達，不過今時唔同往日，海牙自從教練雲丹布林離隊後已打回原形，洛達近年對賽往績佳，波童捧「讓球客勝」。




（周六凌晨3時開賽、馬會網上文字直播）




海牙上季取得近年最佳成績聯賽第六名，並在附加賽稱王取得歐霸盃入場券，好大程度和教練雲丹布林有關，自從佢喺季前轉投維迪斯，海牙今季表現明顯冇咁Sharp醒，除咗歐洲賽早早出局，目前聯賽亦只排十一，成績僅僅合格。海牙最近兩場熱身賽都贏唔到波，狀態似乎仍有待改進。




撇除上季附加賽兩敗，洛達對上八次於常規聯賽面對海牙都未輸過，單計作客一共取得三勝一和佳績，而且今季首循環洛達亦在主場大勝對手四比一，心理上可謂佔盡優勢，「讓球主客和」海牙讓一球，波童捧1.77倍「讓球客勝」。