奧咸鍊車夠韌力

猪拉多纳

17/01/2012
文： 麥馬拿仁

今晚英格蘭錦標賽四強首回合，英甲包尾大幡車士打菲特，主場鬥同級別奧咸。計實力奧咸在車軍之上，球隊又擅打客戰，近八仗作客有六次不敗，加上主力羅比森遜強勢復出，受讓下捧「讓球客勝」穩陣；如嫌分頭奀，可轉吼細盤同半場和。




（周三凌晨3時45分開賽）




奧咸由前蘇格蘭名將迪哥夫帶領，球隊打法同佢一樣咁硬淨，作客唔易輸，早前鬥勁旅查爾頓尾段追和，足總盃作客晏菲路，曾一度憑羅比森遜先開紀錄，最後不敵利物浦出局屬非戰之罪。上仗去到哈特斯菲爾德地頭，都係去到完場前先失波，奧咸韌力夠，根本唔驚車士打菲特。另外，羅比森遜因係哈特斯菲爾德借將，上仗未能落場，今場復出奧咸陣容復整，更添信心。


車士打菲特留力護級


車士打菲特現排包尾，正為護級努力，但近十七場聯賽未贏過，可謂有心無力，雖然英錦標殺入四強，但亦難以全力爭盃。球隊攻力疲弱，近四主場都開細，今場可追；而且去到四強雙方唔會太進取，首回合無謂去盡，半場和亦好路。英錦標賽四強打兩回合，不計作客入球，如兩回合比數打成平手，將即以十二碼分勝負。