畢爾包4仗不失好守「細」

猪拉多纳

15/01/2012
文： 自由恒

巴塞同皇馬喺西班牙盃抽埋同一條線，提早喺8強對壘，意味雙方今季坐底要對6次，老實講都有啲厭，當然最開心嘅係其餘6隊8強分子，兩隊同時躋身下輪西盃嘅畢爾包同埋利雲特，今晚喺西甲碰頭，1.8倍入球細值得捧場。（now632台周一凌晨1:00直播）




兩軍喺上周中嘅16強次回合雖然都大勝4:0，但手下敗將都來自次級聯賽，入波多唔代表火力勁，反而防守先係強項，先講主隊畢爾包，佢哋已經連續4仗保持不失，不過射手洛蘭迪今季經常帶傷披甲，面對同級對手唔易爭取入球。


利雲特鋒線靠唔住


至於作客嘅利雲特，首席射手干尼近4戰都冇波入，次席射手桑盧就重傷長抖，作客畢爾包難免被睇低，但話晒近兩仗都保持不失，與其要熱而不穩嘅1.52倍主W，倒不如博1.8倍入球細好過。




足球重心：畢爾包（入球細）




馬膽推介：5場5 神奇飛龍




剛戰跟得急都可以取得來港後首場頭馬，同場快步速受害者「尊勝福星」都已經喺上周日輕鬆補中，就知「神奇飛龍」仲有分在手，今戰冇咁多馬喺前面鬥搶，相信會更好跑。