薩拉戈薩救亡撲擊基達菲

猪拉多纳

14/01/2012
文： 蘇豪

日職球季結束後，陸續傳出日本球員外流搵食消息，國家隊射手夏雲拿加盟荷甲維迪斯，廣島三箭箭頭李忠成轉投英冠勁旅修咸頓，磐田山葉前鋒前田遼一同韋斯咸好事近，反映東瀛球員愈來愈受歡迎。




日本球員以往於英倫發展麻麻，稻本潤一於阿仙奴不受重用，轉投富咸後亦撈唔起，靚仔門神川口能活於樸茨茅夫更只屬花瓶。日本球員普遍波底好，衰在唔夠硬淨，李忠成同前田遼一有射術，若頂得住大舊守衞衝撞，有力於英冠立足。


睇中日本90後指宿洋史


薩拉戈薩護級勢危，近期盛傳睇中西維爾日本90後巨人中鋒指宿洋史，此子身高近兩米，於西維爾B隊表現突出，如果殺入西甲都幾有睇頭。薩拉戈薩未班到救兵，但今輪主場對基達菲都要全力搶分，受讓捧「讓球主勝」！




（周日凌晨1時開賽）