摩納哥勢頹追住嚟反

猪拉多纳

14/01/2012
文： Mic少

亨利回歸阿仙奴，即入波助球隊喺足總盃晉級，令「廠迷」懷緬兵工廠昔日光輝時期，甚至視佢為救星。不過Mic少認為以阿仙奴嘅級數及人腳，有冇亨利助陣，其實影響並唔大，反而有一支球隊好需要佢打救，就係亨利母會摩納哥。




身為七次法甲冠軍兼04年歐聯亞軍嘅摩納哥，今季降落乙組仲未止跌，淪落到包尾，若然再降一級，就真係可惜。其實摩納哥現時人腳唔錯，擁有前巴塞中場古利、挪威國腳希士達，仲有二十一歲天才射手謝明，但就缺少亨利呢種精神領袖。




其實亨利已享盡各主要榮譽，或者應該考慮回巢幫助母會，總比為阿仙奴錦上添花有意義。可惜呢個只係Mic少主觀想法，以摩納哥嘅頹勢，短期內難望翻身，今晚作客伊斯特尼斯，寧捧1.92倍主勝。（周六晚9時30分開賽）