勝利主場大德起

猪拉多纳

13/01/2012
文： 立民

開講有話「新人事、新作風」，好多時都帶來新景象。不過新景象有好有唔好，改變一方面會帶嚟不安，另一方面就同時帶嚟機遇。呢啲口號喺大選年，美國、台灣總統選舉等等，都會成日見到，上次奧巴馬就係以「Change」為口號，引發美國選民對現狀不滿成功當選，而今個禮拜會舉行嘅台灣選舉，睇嚟藍綠派別都有一番龍爭虎鬥，今年又有乜新噱頭？




「改變」──就好似澳職兩支啱啱換咗教頭嘅球隊墨爾本勝利同阿德萊德聯，都以相同方法帶嚟機遇。


阿德萊德聯腳風順


先講阿德萊德聯，佢哋改由高斯米拿領軍，效果出奇地好，四場比賽二勝二和，最令我佩服係佢改變咗球隊踢法，全部賽事都有波入，就連生銹前鋒迪捷特都有神級表現，呢個情況喺阿德萊德聯身上算係少見。




另一邊廂，墨爾本勝利新任教頭麥基頓來頭唔小，係前北愛爾蘭國腳，亦曾喺英國打滾，第一場賽事佢冇親自督師，但球隊變陣贏波，以二比一擊敗紐卡素噴射機，算係腳頭唔錯。




墨爾本勝利今季聯賽主場仍然保持不敗，三勝五和入十三球，平均每場有1.6個入波；阿德萊德聯嘅進攻依家亦變得有板有眼，今場入球大絕對係不二之選！（有線64及204台周五下午５時直播）


立民推介：墨爾本勝利 Vs 阿德萊德聯 入球大


立民在足球傳媒達十年，在香港中文大學畢業後加入有線體育台，曾參與過有線「2000歐洲國家盃」及「2002有線世界盃嘉年華」節目的資料搜集工作，也曾任職香港賽馬會足智彩市場拓展部。

2005年起，他進身幕前，曾任手機及網上足球頻道主持。2009年重歸有線，加入球彩台主持行列，主要參與「澳洲足球聯賽」、「英格蘭超級聯賽」、「歐洲聯賽冠軍盃」直播及「歐聯戰略館」等節目。