韋斯咸出副選讓唔起錫周三

猪拉多纳

08/01/2012
文： Yennie

踏入2012年後嘅第一日，我嘅第一個願望已經實現咗，就係港隊拎咗第34屆省港盃冠軍！恭喜晒！之後喺啱啱嘅周五晚，南華對公民雖然和波收場，但喜見偶像「歐冲」回勇，希望佢繼續努力啦！




講番今晚英格蘭足總盃，有我一向都幾欣賞嘅英冠球隊韋斯咸作客英甲錫周三。不過鍾意還鍾意，「錘仔幫」領隊艾拿戴斯話明佢哋今季嘅目標係重返英超，呢場波會派副選上陣，戰意同實力都靠唔住。相反，英甲2哥錫周三主場威力強勁，喺聯賽同盃賽夾埋13戰10勝3和，依家韋斯咸作客讓波，梗係捧1.52倍「讓球主勝」啦！


Yennie心水


錫周三（讓球主勝）