獅吼5連敗難望「勝利」

猪拉多纳

31/12/2011
文： 力奇

目前遭逢球會史上最長連敗紀錄嘅布里斯班獅吼，今日澳職返到主場迎戰實力平平嘅墨爾本勝利，咪以為會係反彈好時機，事關獅吼中場發電機布萊治繼續養傷，對住一向係佢哋剋星嘅勝利，我寧願捧2倍「讓球客勝」。（有線64及204周六下午5:30直播）


近19次交手勝利僅輸5仗


獅吼上月底先創造澳職史上最長嘅36場不敗紀錄，點知之後陷入傷兵潮，進攻組合重心中場布萊治同前鋒軒歷基安達迪同時長抖，前線要靠射手貝利沙單天保至尊，結果佢哋經歷5連敗兼且僅入2球。




勝利呢邊，論狀態其實都唔好得過獅吼幾多，但勝在可以強陣應戰。力奇睇埋往績，兩軍歷來19次交手，勝利係贏10場和4場輸5場，係有明顯優勢一方，近4次出訪布里斯班又錄得3勝1和，今鋪博佢唔輸就有錢收，都幾抵玩吖！