伯明翰重拾自信填平黑池

猪拉多纳

31/12/2011
文： 九叔

除非畀人用支槍指住，否則由排名到近況去睇，今晚場英冠伯明翰對黑池，冇理由要主隊嘅，但足智彩偏偏就將伯明翰個W開到鬼咁熱，1.8倍主勝幾乎係全球莊家至低，咁詭異就不妨博吓「阿伯」咯。（開賽時間：周六晚11:00）




伯明翰响歐霸盃收咗工之後，唔少人憧憬佢哋專心玩英冠會即時反彈，點知對上兩場先輸畀水晶宮，跟手和咗韋斯咸，似乎冇乜翻生迹象，搞到近8場得2勝2和4負，响第15位半天吊。比較起嚟，黑池近8戰僅1負，家陣進佔第7位，自然比伯明翰更令人有信心。




咁問題就嚟嘞，各方面數據都不利伯明翰，點解足智彩仲咁捧佢哋場？其實伯明翰嘅人腳响英冠係有競爭力嘅，而且上場波打和「二哥」韋斯咸，對佢哋班人嘅信心畀到好大刺激，史提芬卡達維，大衞梅菲都雄心勃勃話要打入前6名爭升班。你咪以為佢哋發開口夢喎，「阿伯」雖然排15位，實質只係落後第6嘅雷丁6分，贏多幾場真係追到個喎，難得佢哋信心返晒嚟，一於跟足智彩捧吓個1.8倍主W嘅場。