紅魔落「力」數胡做賀禮

猪拉多纳

31/12/2011
文： 阿占

今日係大除夕，阿占先祝《太陽報》讀者新年快樂，再祝埋費格遜生日快樂！費蛇今日70大壽，佢老人家賽前落柯打話要紅魔以英超「一哥」身份賀歲同賀壽，一班愛徒點都要有番啲表示，今晚喺主場對住布力般流浪就算讓到兩球都捧1.95倍「讓球主勝」！（有線200及300、廣東體育周六晚8:45直播）


史摩寧扁桃腺炎抖1星期


曼聯自從歐聯分組賽出局後，成班紅魔知恥近乎勇，喺英超即刻大爆發連贏4場勁入16球。雖然話球隊有尼曼查維迪、艾舒利楊格、湯卡華利、路爾斯安達臣等等一張水蛇春咁長嘅傷兵名單，上仗缺陣嘅基斯史摩寧仲一度傳話感染咗「傳染性單核細胞增多症」（又名腺熱），好彩費Sir尋晚向《標準晚報》證實佢只係扁桃腺炎，至多休息一個禮拜。但睇番曼聯近期表現，根本無受傷兵影響，朗尼同拿尼幾個咪一樣着晒火！仲有，就連唔係成日有得踢嘅貝碧托夫同朴智星一落到場都有貨交，紅魔實力真係深不見底。即使話莊尼伊雲斯加入埋傷兵名單，但小弟覺得無咗呢個計時炸彈，紅魔防線反而更穩陣囉！


布力般防守曳作客未威過


對手布力般依家排緊包尾，上場打和利物浦終止3連敗。領隊堅恩個帥位被傳好危，好大機會會成為2012年英超第一個被炒魷嘅主帥！雖然堅恩畀自己球迷柴台真係幾可憐，但隊波踢得咁差，佢又真係責無旁貸，尤其條防線真係唔掂到可以用「不知所謂」形容。今季踢10場作客都未贏過，就係失敗在條防線，連韋根、諾域治同史篤城都可以入佢哋3球，就知有幾唔掂，作客奧脫福聽炒都似啦！


橫數千軍


曼聯交手10戰7勝




‧近10次英超交手不敗，錄7勝3和。




‧朗尼近5次响英超對布力般入4球。

布力般作客例失波

‧近18場英超作客得1勝7和10負。

‧近28場英超作客賽事得1場冇失波。

頂占筍盤：曼聯（讓球主勝）

有線球彩台主持阿占

電郵：soccer64@cabletv.com.hk

PHONE波熱線：1831 678

「球彩俱樂部」開放時間：周六晚上10:30至晚上11:45