獅吼主力復出執金

猪拉多纳

26/12/2011
文： 樂比堅尼

澳職「拆禮物日」獨腳戲上演「M1」打吡戰，由黃金海岸聯主場對布里斯班獅吼，獅吼三十六場不敗身被打破後，就好似洩咗氣嘅皮球，最近連輸四場，不過千祈咪睇小佢哋嘅反彈能力，畢竟佢哋係創造澳洲足球歷史嘅雄獅，隨着主將陸續復出，今仗對包尾嘅黃金海岸聯有力發圍，樂比仔捧客勝及大盤！（有線64及204台周一下午4時30分直播）


黃金海岸聯怕遇強


獅吼早前有多名主將受傷，令戰鬥力大減，但佢哋並冇放棄控球在腳及主攻嘅踢法，雖然輸波卻贏得掌聲，最近澳洲傳媒指獅吼主將布萊治、軒歷基安達迪同埋馬菲史密夫傷勢已無大礙，今仗有機會披甲，即使陣容未必夫添，但起碼已好過前幾場，睇怕都係時候止血！




黃金海岸聯由於班主縮皮關係，由昔日豪華球會改為「青春班」，反正澳職冇降班制度，黃金海岸聯又係全澳職最少球迷球隊，所以今季成績大插水係所有人都預計到嘅結果。黃金海岸聯今季僅贏過兩場，對手分別係尾二阿德萊德聯同埋尾三紐卡素噴射機，可見佢哋對住強隊完全係冇符！