惡客流浪「聖」利在望

猪拉多纳

24/12/2011
文： 查理阿蛋

今年嘅「拆禮物日」係禮拜一，變相周末冇英超睇，好彩今晚都仲有蘇超撐場，聖美倫會喺主場迎戰衞冕冠軍格拉斯哥流浪。客軍近排嘅表現雖有所下滑，不過有幾位中後場主將陸續復出，相信可以回復水準，小妹決定捧2.02倍「讓球客勝」（now638台周六晚8:45直播）




小妹仲記得格拉斯哥流浪上仗後防險象環生，能夠喺恩華尼斯身上全取3分，其實都相當幸運，幸好後防主將李爾華萊士及保卡尼加等已經傷愈，重拾比賽狀態後，流浪要延續聯賽作客9戰得8勝1負、只失2球嘅佳績絕非難事。前線方面，除咗狀態極佳嘅首席射手謝拉域，啱啱坐完波監嘅翼鋒艾奴高亦極具創造力，有力令聖美倫嘅防線風聲鶴唳。


聖美倫隊長停賽


中游分子聖美倫近況就相當麻麻，過去4場未贏過，今仗對榜首嘅格拉斯哥流浪自然被睇低一線，加上隊長兼中場大將葛雲上仗因為打人而被判罰停賽3場，對佢哋嚟講絕對係重大打擊，流浪要大勝全取3分又點會係難事？