車仔搶贏加利卡希爾

猪拉多纳

22/12/2011

車路士有望爭贏熱刺簽加利卡希爾！車路士出價700萬鎊（約8,500萬港元）收購保頓中堅加利卡希爾已獲接納，將會同佢傾個人條件。


加利卡希爾同保頓合約會於季尾屆滿，車路士開出700萬鎊斟佢，為免人財兩失，保頓已批准車仔同加利卡希爾洽談轉會，如果一切順利，交易可望於一月初完成，到時佢有望同泰利拍住上。據悉熱刺都睇中加利卡希爾，但動作太遲，除非於最後時刻開出優厚條件，否則難望撬人。


另外，熱刺守將京治今季成為福將，每次落場球隊都保持不敗，佢向來係玻璃腳，唔可以短時間內打疊踢兩場賽事，上次一周雙賽已經係超過一年前嘅事。京治上場聯賽有份落場，夏利列納希望佢於今仗披甲，但仍要問過軍醫意見。