柏雷素爾出齊架生劏鯨魚

猪拉多纳

21/12/2011
文： 吉拿甸奴

天皇盃16強今晚有好戲上演，名古屋鯨魚喺瑞穗陸上競技場對柏雷素爾，屬於日職亞軍對冠軍嘅對決，可惜鯨魚有兩大支柱約舒亞堅尼地同田中鬪莉王缺陣，唔似開到W。對家柏雷素爾喺世冠盃嘅演出贏盡好評，呢場又有日職MVP李安度杜明基斯（下圖）復出，受讓平半追得過。（開賽時間：周三晚6:00）


約舒亞堅尼地 鬪莉王缺陣


日職收咧前連贏8場嘅鯨魚，最近有中鋒約舒亞堅尼地同中堅田中鬪莉王，以有傷做理由分別返咗澳洲同巴西，不過東瀛傳媒話，田中鬪莉王被保地花高睇中，唔排除佢去傾轉會，要知道舒亞堅尼地今季攻入19球成為日職神射手，而田中鬪莉王都有6個入球，突然同時缺陣咪話唔頭痕。




仲有就係，鯨魚左閘阿部翔平上個星期做手術根治傷勢，意味後防需要變陣大執，咁嘅情況點捧得過？另一方面，柏雷素爾喺世冠盃季軍戰互射12碼不敵艾薩德，但入到4強其實已有晒交代，而且季軍戰停賽嘅中場雙核李安度杜明基斯同栗澤僚一，呢場又可以復出，有佢哋幫手「捕鯨」，受讓平半抵撐。


天皇盃賽制：


今輪為16強戰，以一場過分勝負，若法定時間內打成平手，則需加時作賽，再和則互射12碼決勝。