德盃法乙一條路 讓球客勝過3關

猪拉多纳

20/12/2011
文： ComboKing

今晚歐洲有多場盃賽進行，德國盃第3圈多蒙特作客乙組一哥杜塞爾多夫。多蒙特剛於歐聯出局，連歐霸盃都冇份打，梗要全力爭國內盃賽補番數。上輪鬥特雷斯登，多蒙特已派出多名主力披甲；杜軍級數差成條街，鬥勁旅冇得砌，捧「讓球客勝」！（周三凌晨3時30分開賽）


多蒙特德盃強攻弱旅


多蒙特於歐聯出局後，球隊已收拾心情應付國內賽事，上仗作客大數弗賴堡4比1，香川真司大熟大勇，羅拔利雲度夫斯基腳風亦順，霸氣已經返晒嚟。上圈德國盃同樣對低級球隊，多蒙特一樣派唔少主力應戰，最終羅拔利雲度夫斯基同馬里奧葛斯各建一功，輕取對手2比0晉級，睇到多蒙特非常重視德國盃。杜塞爾多夫雖然於乙組戰績極佳，但上仗剛被打破不敗身，真氣一洩信唔過，估計以多蒙特實力唔只贏1粒。




法乙方面，尾二嘅阿勒斯主場鬥伊斯特尼斯，主隊戰績好曳，近9場賽事未贏過，當中有5場更加冇波入，如此實力狀態根本讓唔起對手，捧「讓球客勝」。另一場摩納哥鬥克萊蒙特，包尾大幡摩納哥傷兵眾多，有主場之利都讓唔起，又係捧「讓球客勝」。