拿玻里屠「狼」慶功

猪拉多纳

18/12/2011
文： 洪心Dee

今晚拿玻里主場鬥羅馬本應係意甲矚目大戰，不過6萬張門票只係賣出唔夠2萬張，可能因為對手羅馬已今非昔比啦！論實力，拿玻里唔單止高一皮，主場仲出名夠堅，一於直取3.2倍「讓球主勝」啦！（now633及660台、廣東體育周一凌晨3:45直播）




拿玻里今季成績唔算理想，但主場到目前為止僅得1敗，即使強如烏甸尼斯及曼城都要俯首稱臣，頹勢嘅羅馬又點會係對手？早前受傷嘅王牌射手卡雲尼趕及復出，盛傳會離隊嘅佢日前更表示會長留拿玻里，另一主力咸錫亦同球會續約到2016年，兩大孭飛球星齊齊留隊，士氣肯定爆燈。


羅馬成日變陣冇默契


對家「雌狼」就濕滯咯，教頭安歷基上任後陣容場場唔同，搞到班兵夾極都唔熟，而且隊內問題多多，射手奧斯華度多次同隊友爭執，守將施仙奴被棄用後更公開表明唔想留隊，陣營氣氛咁鬼差，加上佢哋過去10場作客僅得1勝，今仗又有咩可能全身而退？輸兩粒係最低消費啦！