路斯拿發威撐杜塞爾多夫

猪拉多纳

16/12/2011
文： 走肖

德乙「冬季冠軍」係邊隊？杜塞爾多夫主場對柏達邦，贏波就肯定可以喺聯賽榜帶頭過聖誕，鬥心毋須懷疑，而且杜塞爾多夫前鋒路斯拿同柏達邦箭頭普舒域斯，暫時以11球並列射手榜No.1，呢場正面交鋒，一於博路斯拿發威幫手開2.3倍「讓主」。（開賽時間：周六凌晨1:00）


目前杜塞爾多夫領先次席法蘭克福3分，今場和波已足夠保住榜首放假，但難得有機會以「冬季王」身份迎接聖誕新年，斷估杜塞爾多夫唔會揸流攤令Fans失望，更何況路斯拿連續兩場入波後累積11球進帳，同對家嘅普舒域斯並列射手榜No.1，為咗獨領風騷，主場出擊必搏。


睇番近況，杜塞爾多夫開季後連盃賽有14勝6和，而柏達邦喺德國盃出局後，近6場聯賽都有4勝2和，走勢唔曳，但問題係佢哋太過依賴普舒域斯入波，中場蘇連白蘭迪又停賽，只要普舒域斯畀對手箝制，前線就死晒火，所以都係咪亂追柏達邦以免踩地雷。