柏林聯弗爆拆地雷

猪拉多纳

16/12/2011
文： ComboKing

今日阿King重心放在德乙賽事，格雷特霍夫主場鬥柏林聯，柏林聯三連勝愈戰愈勇，早前面對榜首杜塞爾多夫都能保持不敗，格雷特霍夫向來蠱蠱惑惑，經常於被一致睇好之下失分，今場建議捧「讓球客勝」。（周六凌晨１時開賽）




柏林聯係近期狀態最好嘅其中一支德乙球隊，聯賽連贏三場之餘仲一共入咗十球，而且佢哋之前面對狀態大勇嘅榜首隊伍杜塞爾多夫亦能守和○比○，可謂攻守兼備，如果單計盤路，柏林聯近期贏盤頗多，走勢咁順實在不宜刻意拗頸。


阿高夫中門「大」開


格雷特霍夫近期成績雖然都唔錯，不過呢班波一向好難捉摸，應贏時不贏、應輸時又突然有好表現，呢點亦係佢哋近年未能升上甲組嘅主要原因，所以今場就算主場出擊亦唔好抱太好期望。




另外兩關則選荷乙聯賽，靴蒙特主場對阿高夫，阿高夫目前排荷乙包尾，主要原因係後防失波多，十六場失五十一球，係荷乙失波最多嘅球隊，不過靴蒙特亦唔係叻，早前主場曾慘吞威廉二世七蛋，就算中位數調至3.5球，大盤亦值得追捧。最後馬斯特里赫特主場鬥丹保殊，兩軍攻力不俗，今場大細中位數冇調高，1.5倍大咪嫌少。