巴塞食德是福

猪拉多纳

15/12/2011
文： 法比加輝

世冠盃風頭躉巴塞隆拿出場，今晚在四強撲擊卡塔爾球會艾薩德。巴塞講明全力搶盃，「地上最強」認真比賽時，冇球隊可以擋得住；艾薩德教練科沙迪更未打先認輸，相信班球員都係諗緊完場後同邊個球星交換波衫居多。巴塞實力超班，照捧巴塞讓到三球嘅「讓球客勝」。（有線61及201台周四晚6時30分直播）




巴塞上屆無緣踢世冠盃，眾星難免有點掛念呢項盃賽，而且仲好想回味○九年奪冠時喜悅。今次備戰都好認真，周日踢完西班牙國家打吡，即晚已上飛機去日本，睇落班球員好似好趕，但其實教練哥迪奧拿係想早啲畀班球員適應時差，而且哥帥喺到埗第二日畀班球員放假半日，球員亦唔會繃得太緊。


艾薩德教練扯定白旗


巴塞經過兩日喺日本適應時差同天氣後，正式投入訓練態度認真，事實上，哥帥前年上任即成為六冠王，世冠盃點會唔爭。睇番巴塞對上一次參與嘅○九年世冠盃，「地上最強」態度認真，準決賽面對墨西哥球會阿蘭特，憑「三斯」布斯基斯、美斯及柏度洛迪古斯各入一粒反勝三比一晉級，所以球迷毋須擔心教練哥迪奧拿會在首戰留力，艾薩德今場肯定難踢。




亞洲代表艾薩德甚少面對歐洲強隊，老實講經驗輸晒，試問當今世上又有幾多支球隊能夠抵禦巴塞強攻呢？艾軍教練科沙迪一早有晒心理準備，佢話巴塞來自第二個星球，根本冇得踢。睇番開盤情況，大細中位數調至3.5球，入球大只得1.59倍，相反「讓球主客和」巴塞讓三球有1.92倍，預計艾薩德今場會捧蛋，梗係揀較好分頭嘅「讓球客勝」啦！


近屆世冠盃 歐洲代表4強成績


年份 戰果（半場）




10 國際米蘭3:0（2:0）城南一和

09 巴塞隆拿3:1（1:1）阿蘭特

08 曼聯5:3（2:0）大阪飛腳

07 AC米蘭1:0（0:0）浦和紅鑽

06 巴塞隆拿4:0（2:0）CF阿美利加

05 利物浦3:0（2:0）薩普里沙