熱刺強攻英超再下一「城」

猪拉多纳

11/12/2011
文： 自由恒

曼市雙雄踢歐霸盃，加埋之前4隊踢緊分組賽嘅球隊，到時會唔會有6支英格蘭球隊一齊角逐淘汰賽呢？相信未必，事關熱刺應該過唔到關，不過疊埋心水爭英超仲有so，今晚作客史篤城有望開1.88倍客W。（有線200、300及廣東體育周一凌晨0:00直播）




史篤城主場對賽冇優勢




熱刺喺歐霸盃出線形勢處於極度被動，加上向來只係以弱陣出擊盃賽，相信現時肯定以英超為重，畢竟佢哋近11場聯賽10勝，穩佔第3，保住前4已經係最低目標。




當然最擔心嘅，就係熱刺能唔能夠應付對手史篤城嘅高空轟炸，不過睇番往績，佢哋近兩季聯賽作客不列顛尼亞球場都可以全取3分，今季亦只係輸過畀曼市雙雄，對中下游球隊永冇甩拖，欺善怕惡冇理由拗頸博佢哋失分。


足球重心：熱刺（客勝）


馬膽推介：3場2 甜將




今季3次上陣都排外檔，搞到焗住留後，否則上仗都唔會姍姍來遲不敵廐侶「傾力之城」，今仗回配主帥兼排好檔，摩廐高班馬輪流發威，今次應該輪到佢。

賠率異動推介：飛燕諾（勝）

全日就只係得（日）11飛燕諾熱咗，雖然佢哋今晚對手烏德勒支，主場曾贏過阿積士，但飛燕諾客W仍然由2.05倍升溫到2倍，進一步拋離歐洲平均賠率2.16倍，要吼實。