列強狩獵「變形俠醫」

猪拉多纳

06/12/2011


波圖要8,800萬鎊（約10億港元）先放侯克！波圖近年盛產球星，經常畀歐洲大會撬人，現時隊中最搶手球員係大隻左腳王侯克（Hulk，變形俠醫），盛傳曼城下年一月想簽佢，波圖表明冇8,800萬鎊「贖身價」唔放人，擺明想吊高嚟賣喎！




波圖失去法卡奧後，再有侯克成為多間歐洲球會目標，據報曼城、熱刺、車路士同阿仙奴都想簽佢，不過，波圖已經通知侯克經理人方辛加話呢位巴西球星係非賣品。據方辛加表示：「有五間球會出4,000萬鎊斟侯克，波圖全部拒絕晒，如果真係想簽佢就要畀8,800萬鎊買斷份約。」不過，若然波圖提早於歐聯出局，到時收入少一大截，隨時被迫放人。