小保加超班主場等開P

猪拉多纳

04/12/2011
文： 笛子波童

周一早上阿甲春聯賽，小保加只要在班菲特身上多取一分，便可繼08年春季後再度封王。以小保加今季聯賽十六場不敗走勢，加上班菲特係目前包尾隊伍，波童有信心小保加可於主場贏波開Party，捧1.5倍主勝。（廣東體育周一早上6時10分直播）




小保加對上一次捧走聯賽錦標係08年，當時佢哋於春季聯賽跟聖羅倫素、堤格雷同分，結果三隊經過單循環附加賽後，小保加結果憑較佳得失球差力壓兩者捧盃。相比當日，小保加今季演出明顯更具說服力，佢哋開季至今踢咗十六場聯賽仲未輸過，而且後防只失四球，有機會打破沙士菲喺○三年保持一季最少失球紀錄（七球）。


費斯安尼向舊東家示威


小保加除咗表現比班菲特穩定，綽號「糖果盒球場」嘅主場更係教練費斯安尼福地，兩年前佢帶領班菲特於煞科日作客此地雖然輸波，不過由於爭標對手紐維爾舊生同時間亦落敗，班菲特得以贏得球會史上首個阿甲錦標。如今費斯安尼掉轉槍頭，有機會在前度球會面前再度高舉冠軍獎盃，費斯安尼一定會叫球員加多幾錢肉緊。