格拉斯哥流浪誓挽聲譽

猪拉多纳

27/11/2011
文： 法比加輝

蘇超班霸格拉斯哥流浪上輪聯賽意外失分，被死敵些路迪拉近了距離，流浪失分後爭勝心更強，今場作客面對基爾馬諾克，加輝睇好佢哋可以取勝。




（now 638周日晚8時45分直播）


基爾馬諾克殘陣難頂


流浪上輪在主場悶和聖莊士東，賽後都遭受不少傳媒抨擊，皆因流浪整場波鮮有威脅埋門，主場都踢成咁，球迷點會收貨。為挽聲譽，預料流浪今場會踢得具侵略性去爭勝，雖然球隊有箭頭賴史密夫長抖，但謝拉域及拉菲迪等前線殺手都可以披甲，攻力仍值得信賴。再者麥高洛治及阿仙奴借將基爾巴特利都傷愈能夠復出，流浪夠力贏波。




反觀基爾馬諾克排陣就會比較煩惱，兩位後防重心賴恩奧拉利及彭歷華因傷缺陣，至於首席射手希費蘭則有傷在身上陣成疑，陣容不整。




值得一提係流浪今季作客更勝主場，聯賽作客七戰全勝入十六球只係失一球，加輝認為主要係流浪毋須再兼顧歐洲賽及聯賽盃，有充分休息去預備作客賽事，成績自然有保證。