意甲榜首戰捧祖雲達斯

猪拉多纳

26/11/2011
文： 郭球奇

今晚意甲爆發榜首大戰，由「阿二」拉素主場硬撼「一哥」祖雲達斯。兩隊近況弗到爆，但係拉素未遇到太大考驗，今場「Goal老師」又可能缺陣，兼且近年交手長居下風，「斑馬兵團」1.85倍平手盤抵玩！（now633及660台、中央5台周日凌晨3:45直播）




已經沉咗幾季嘅祖雲達斯，今季喺名宿干地回歸執教下，終於重拾昔日霸氣，開季至今未嘗一敗，暫時同拉素一樣得22分，而且仲少打一場添。


干地424陣式夠Sharp醒　


球奇覺得祖記今季可以翻生，關鍵係干地古老當時興，佢套424陣式非常適合班球員踢，當中前鋒馬特尼同中場馬治斯奧表現極之Sharp醒，暫時都入咗5球，再配合胡仙歷、柏比同派路等高質攻擊球員，真係防不勝防，據聞球會見班波打得咁好，近日派出高層去阿聯酋球場，考察多蒙特中堅曉姆斯嘅表現，絕對有助提升士氣。


「藍鷹」對賽往績好蝕底


自從季初主場輸畀熱拿亞1:2後，拉素打後喺意甲就保持9場不敗，不過球奇略嫌「藍鷹」當中遇過最強嘅對手只係表現飄忽嘅羅馬，唔算有太大說服力。其實拉素今季成績咁好，可謂全靠前線三斯——施斯、高路斯同靴蘭尼斯，之但係盛傳當中最弗、已經入咗6球嘅高路斯，因為拉傷肌肉，今晚可能缺陣，而頂替佢嘅施古利完全係兩個Level，再睇埋兩隊近6次交手，拉素輸足4次，近2次主場對祖記又輸晒，似乎今晚好難有運行喎！


祖記交手往績佔優


日期 戰果（前者主場）




11/05/03 拉素 0:1 祖雲達斯

10/12/13 祖雲達斯 2:1 拉素

10/01/31 祖雲達斯 1:1 拉素

日期 戰果（前者主場）

09/09/12 拉素 0:2 祖雲達斯

09/05/31 祖雲達斯 2:0 拉素

09/04/22 祖雲達斯 1:2 拉素

橫數千軍

藍鷹旺開入球細

‧聯賽主場2勝2和1負，勝率僅40%。

‧對上7場6度開細。

斑馬兵作客不敗

‧聯賽作客2勝2和，不敗率達100%。

‧近8場4勝4和，連續4場開大。