烏甸主場惡穩嚼羅馬

猪拉多纳

25/11/2011
文： 巨高

周六凌晨有場意甲獨腳戲，由烏甸尼斯主場對羅馬。暫時聯賽主場全勝球隊有兩支，包括巴勒莫以及今場主角烏甸尼斯。既有良好主場賽績支持，烏甸尼斯讓平半可捧上盤。




（now 633及660台周六凌晨3時45分直播）


專吼主場賽事騷哥利


烏甸尼斯可謂歐洲球壇少林寺，每季都會向歐洲大球會出售好球員。以往較出名有比亞荷夫、馬斯奧阿武羅素、基恩及阿歷斯山齊士等等。正因如此，好多球員都會借烏甸尼斯作為踏腳石，繼而投身歐洲大球會以增加收入，而呢份球員向上爬心理，正係烏甸尼斯能交出好成績嘅主要原因。




尤其係烏甸主場比賽，經常吸引到XX入內「睇辦」。早前英國《每日郵報》就爆出曼聯派出XX，專程留意加納中場卡華禾艾沙姆。有心跳槽搵大錢嘅球員，梗係會把握主場賽事，盡能力表現自己以討好XX。而今晚對住名牌球隊羅馬，又係烏甸球員「騷哥利」嘅好時機。




羅馬聯賽兩連勝似見回勇，但所擊敗嘅對手只係下游球隊路華拿以及萊切，賽績參考價值偏低。最大鑊係咁場傷兵勁多，波連尼、大衞比沙路、貝迪素、阿里安度羅斯、托迪及波里路均因傷缺陣，教練安歷基都大嘆黑仔。今場羅馬殘陣兼作客，戰力必打折扣，烏甸上盤捧得過。