費倫半力夠贏「玻」

猪拉多纳

24/11/2011
文： 亨格比利

今晚意大利盃做主菜，焦點所在係費倫天拿對安玻里嘅「托斯卡尼打吡」。「紫百合」新帥迪里奧羅斯講明會留力，不過即使佢哋半力出擊，要砌低晨早抱放棄態度嘅「意乙仔」安玻里，依然都係綽綽有餘，放心捧2.1倍「讓球主勝」。（開賽時間：周五凌晨1:00）


今戰係意盃第4圈賽事，主場嘅費倫天拿早排搵嚟迪里奧羅斯掌舵，佢老人家首度領軍即刻賽和AC米蘭，表現明顯有起色。「紫百合」本周日會硬撼巴勒莫，迪里奧羅斯講明會留力，中場比哈美同前鋒基拿甸奴將會休戰，射手祖維迪亦因傷缺陣。

指揮官蒙杜利禾披甲

之不過中場大腦蒙杜利禾、門將保路錫等骨幹都會披甲，前線就由拿積、侯馬同坦基施華會合組攻擊鐵三角，戰鬥力依然有番咁上下，況且迪里奧羅斯都希望攞到上任後首捷，「紫百合」鬥心毋庸置疑。

乙組仔安玻里專心護級

對家安玻里喺意乙排下游，會長哥斯尋日接受意國電台訪問時，坦言保住意乙席位比爭意盃更實際，今戰已經勒令新帥卡邦尼派後生仔落場吸收經驗，人腳同級數起碼輸費倫幾條街。


最重要一點，係新帥卡邦尼只係前日先出席球隊首課操練，老實講，隊波邊個打邊個佢都未必搞得掂，今鋪輸鑊勁一啲都唔奇。

意盃賽制：

意盃為第4圈，以一場過分勝負，若法定時間內打成平手，則需加時作賽，再和則互射12碼決勝。

好波有得睇

銀 牌‧南華 Vs 深水埗周四晚8:00‧now634

南球盃‧利加大學 Vs 沙士菲周五早上8:15‧有線61及201、GT

直播以電視台公布為準