ＡＣ「+1」咪錯過

猪拉多纳

23/11/2011

當今世上能夠作客讓AC米蘭嘅球隊唔多，巴塞隆拿係其中一隊。周四凌晨舉行歐聯H組分組賽，由AC米蘭主場對巴塞隆拿，前者受讓半一。其實AC米蘭喺小組首循環對賽，已證明實力差距冇想像中咁大。今次仲要喺聖西路球場比賽，巴塞更難讓得起「紅黑兵團」。巴塞讓波有多少過分，推介「讓球主勝」。（有線61及201台周四凌晨3時45分直播）


基於兩隊已經達成出線目標，故今場勝負只會影響到首次名出線，而首名資格對於巴塞嚟講係唔係咁重要呢？查實好多教練或領隊都已講過，歐聯十六強冇弱隊，就算首名晉級一樣會抽中「硬嘢」，所以巴塞根本冇必要花精神打AC米蘭，慳番啖氣踢西甲仲實際。


另外，巴塞公布恩尼斯達、阿費利及艾迪安奴都因傷缺陣，而右閘丹尼爾停賽，「傷停」問題對巴塞贏波都會構成阻力。

AC今季主場未輸過

連同盃賽及聯賽，今季AC米蘭喺聖西路球場都未輸過，單計近六場仲全部勝出，巴塞唔容易打破其有利數據。再講，AC米蘭前鋒伊巴謙莫域已於新出版嘅自傳當中，交代過佢同巴塞以及哥迪奧拿嘅恩怨，呢個瑞典前鋒擺明憎到巴塞入心入肺，今場一定會拚盡所有出番口氣。AC米蘭主場受讓真係冇幾可，2.15倍「讓球主勝」咪錯過。