波歷克 再倒戈冇晒feel

猪拉多纳

23/11/2011

今仗賽前焦點，當然係倒戈嘅波歷克，呢位前車路士球員今仗將會同多位舊隊友碰頭，不過波歷克喺車仔期間一向人緣麻麻，仲試過同杜奧巴爭射罰球而互相指罵，今次喺自己地頭出戰，睇嚟都唔會留手。

「愉快時光已成過去」

波歷克喺車路士攞過唔少錦標，但好多人認為佢未能盡展所長，因為球隊有太多大佬級球員，去年黯然離開加盟利華古遜，一直受傷患困擾，今季終於取得較多上陣機會，更喺歐聯取得一個入球。


現年三十五歲嘅波歷克，談及倒戈心情時冇流露太多情感：「我喺倫敦有過愉快時光，但今場我只關注自己球隊表現，我哋需要搶分，相信球隊亦有能力做到。」