國米歐聯醒嚇走土皇帝

猪拉多纳

22/11/2011
文： 查理阿蛋

唔知國米係咪知道意甲封王機會唔大，所以留力爭盃賽好過，至今佢哋喺歐聯已經連贏3場，今晚喺B組作客土耳其嘅特拉布宗，平手盤小妹力捧客隊，睇好「藍黑兵團」全取3分，提早以首名出線！（開賽時間：周三凌晨3:45）


沙拉迪冇帶護照累航機延誤


繼首循環喺聖西路以0:1意外落敗後，國米今次赴土耳其鬥特拉布宗又遇阻滯，射手莫路沙拉迪去到機場先發現冇拎護照，要特登返訓練場攞番，累到班機遲咗起飛！不過國米點會畀呢啲小問題影響到？佢哋今仗贏波就篤定首名出線避開巴塞等強隊，鬥志必定高昂；仲要有後防大將盧斯奧及長友佑都復出，無後顧之憂可以全力搶攻，小妹當然睇好佢哋全取3分啦！




雖然中場靈魂史奈達响禮拜日意甲對卡利亞里熱身時拉傷要抖3周，不過該仗正係由替補嘅巴西小將菲臘比古天奴射入致勝球。歐聯初哥特拉布宗喺首輪贏完國米就未嘗一勝，目前4仗僅得2球進帳，睇得出呢支以後備身份參戰嘅土耳其亞軍，根本就冇足夠實力挑戰歐聯。