西維爾主場大解放

猪拉多纳

20/11/2011
文： 法比加輝

西維爾今輪會在主場迎戰畢爾包，唔經唔覺西維爾已經連續四場不勝，主帥馬些連奴賽前透露，為解魔咒今場會踢得更具侵略性，而中前場多名主力復出，無疑增強了西維爾入球力。兩軍近季對碰大多鬥得燦爛，尤其係在西維爾主場作賽，近六次有四場總入球達到四球或以上，加輝推介入球大。（now 632及660周一凌晨1時直播）




過往一向崇尚進攻足球嘅西維爾，今季入球率急劇下降，十一輪聯賽後只係入得十一球，得球率只排在聯賽中下游。不過西維爾啞火都值得原諒，事關幾名得分點包括尼格度、簡路迪及柏洛迪早前都不時因傷缺陣，要知道西軍本身已經唔多前鋒，三人缺陣自然大大影響球隊入球力。幸好馬些連奴賽前已宣布三人可以復出，唔使捷西斯拿華斯一個人孤掌難鳴，不過智利中場加利美度就因儲夠五張黃牌要停賽。


畢爾包乜都攻餐飽


客隊方面則持續佳態，畢爾包已經連續十場保持不敗，教練比爾沙亦愈來愈獲得認同。呢位阿根廷名帥今季登陸畢爾包後，要球員拋開舊有枷鎖，催眠自己已經係一支爭標分子，對弱旅要取主動權，對強隊都唔再要死守，本死無大害鬥攻，十上十落拚勁搭夠。




畢爾包適應這些南美教法之後，攻力的確有所提升，面對多支強隊如巴黎聖日耳門、馬德里體育會及「地上最強」巴塞隆拿，都能夠射入兩球或以上，攻力甚有保證，而球隊今場有中堅阿武列比達及中場伊度拉斯比停賽。




事實上，兩軍近年對賽亦大多上演入球騷，尤其係西維爾主場對戰，近六次有四場總入球達到四球或以上，有三場達到五球或以上，其中更有一場開出7+，擺明場場都係鬥攻格，故加輝認為大盤有1.95倍值得追捧。