阿蘇着反歧視T表清白

猪拉多纳

20/11/2011


利物浦新王牌蘇亞雷斯，近日被英足總正式起訴佢種族歧視曼聯左閘艾拉，今場佢會同車仔隊長泰利齊齊着起反種族歧視T恤，以表自己清白。紅魔鬼領隊費格遜尋日開腔炮轟利物浦於「歧視門」違規，希望足總跟進。


有傷上陣成疑


「哨牙蘇」同泰利近期都因涉嫌種族歧視而被起訴，故今仗雙方球員都會着上反種族歧視T恤做熱身，而兩位領隊保亞斯同杜格利殊亦會戴上有關活動徽章。近日杜帥同白禮頓領隊普耶都為「歧視門」公開力撐「哨牙蘇」，費Sir忍無可忍作出反擊：「英足總正式起訴蘇亞雷斯後，要曼聯同利物浦上下為事件封口，我哋好守規矩，但利物浦就多多嘢講，我希望足總正視事件。」




杜帥話紅軍上下都支持「哨牙蘇」，並相信佢唔會因被起訴而影響表現，而門將連拿話蘇亞雷斯已完全代替費托，未來成就或會更犀利。不過蘇亞雷斯有傷在身，今場上陣成疑。