英軍小將勝在夠搏

猪拉多纳

12/11/2011
文： SAMVO肥叔

國際賽周冇得玩主流聯賽，今日有好多英格蘭足總盃第一圈賽事，多支低組別球隊出場，真係令人眼花繚亂，呢類賽事戲碼較弱，預期投X額唔慌高。事實上，呢輪英足盃屬混戰，參賽球隊戰意難測，到底係咪有心搏殺，仲要睇臨場派乜人腳，大家本身對低組別球隊唔多熟悉，與其盲摸摸靠估，不如忍手玩少幾場，留番主流聯賽先搏殺。




今晚較值得玩嘅賽事首推重量級熱身賽，英格蘭主場對西班牙，西班牙屬世界頂級勁旅，無論人腳同級數都高過英軍，加上今次英軍人腳唔齊，睇落處於下風。不過，今場莊家開出西班牙作客讓半球至半一，個盤真係太辣，英格蘭班後生仔唔曳，個個都博上位，反觀西班牙踢熱身賽唔係好上心，讓得太多隱藏倒灶危機，呢場可博下盤。