卡迪夫城強勢追殺綿羊

猪拉多纳

02/11/2011
文： 力奇

歐聯雖然搶晒鏡，但其實今晚仲有兩場英冠上演，其中兩支有份爭升班嘅打比郡同卡迪夫城就會狹路相逢。主場出擊嘅打比郡雖然上場贏波終止5場不勝走勢，但遇着「剋星」兼夾有射手堅尼米拿復任正選嘅卡迪夫城，恐怕難有勝望，足智彩開平手盤我撐客隊！（開賽時間：周四凌晨3:45）

「綿羊」打比郡雖然目前排名第5，爭升班機會唔差，但無可否認嘅係近期狀態唔算突出，喺上場贏樸茨茅夫之前，5場波只得3和2負，近6戰更係場場有失波，夾埋失咗11球添！另邊廂嘅卡迪夫城雖然近期要兼顧英格蘭聯賽盃，但兩線作戰狀態卻未見走樣，佢哋近3場取得2勝1和，前鋒祖美臣腳風順又連續3場入波，真係唔講得笑。


打比郡排名較高竟然偏冷


其實力奇最唔明嘅係打比郡既有地利，排名又高過對手，足智彩個平手盤佢哋竟然係平手高水，尋晚主W仲要由2.57倍回到2.7倍，正所謂便宜莫貪，力奇睇過對賽，佢哋近5次交手，卡迪夫城其實係贏咗4次，有格食格味道。仲有之前頭部受傷嘅射手堅尼米拿，上仗已經傷愈，並且後備登場踢咗大約20分鐘，熱完身後，今仗隨時交到貨