洪都拉斯往績唔怕老哥

魑魅魍魉

18/06/2011
文： 笛子波童

另一場八強賽事哥斯達黎加鬥洪都拉斯，兩軍實力接近，不過洪都拉斯近三次面對哥國未輸過，而且最後一輪分組賽輸畀牙買加有走線之嫌，足證對今仗胸有成竹，「讓球主客和」哥斯達黎加讓一球，波童捧洪都拉斯1.52倍「讓球客勝」。（now 634周日清晨5時直播）




兩軍於分組賽同樣取得四分出線，不過細心啲睇便會發現兩軍走勢一起一跌，哥斯達黎加首仗大勝古巴五比○後，次仗面對實力一般嘅薩爾瓦多，僅憑完場前入波逼和對手，尾輪更以一比四大敗在墨西哥腳下。洪都拉斯於B組頭兩輪一勝一和，最後一仗雖然不敵牙買加，但由於當時主辦國美國好大機會取得C組次名，邊隊攞到B組首名隨時仲難打，故此洪都拉斯落後下亦唔見得有太大反撲決心。


近三戰哥斯達黎加不敗


翻查往績，洪都拉斯面對哥斯達黎加的確比對美國有把握，兩軍近三次於國際賽交手，洪都拉斯取得兩勝一和不敗成績，其中最近兩次係喺年初金盃外圍賽。洪軍踢法整體而機動，熱刺中場柏拉西奧斯及韋根的亨特利湯馬士據報可傷愈復出，陣容更見完整。淘汰賽場合乜事都有可能發生，哥軍實力上冇絕對優勢，要讓波唔穩陣，寧捧「讓球客勝」。